Paytaxtın Xətai rayonu, Mirzə Davud küçəsində kartondan piyada yolu düzəldilib. Bu haqda bu gün, 19 oktyabr tarixində Bakuplus.az ATV-yə istinadən xəbər verir.
2000-dən çox şagird və ərazidə yaşayan sakinləri 59 saylı məktəbə və prospektə aparan yeganə yol bərbad vəziyyətdə olduğundan onlar buraya müxtəlif kartonlar atıblar. Lakin sakinlərin sözlərinə görə, qış aylarında kartonlar da kömək etmir və yol keçilməz hala düşür. Həmçinin buradakı baxımsız pilləkən də sakinlər üçün təhlükə yaradır.
Avtomobil Yolları Dövlət Agentliyindən bildirilib ki, sözügedən əraziyə yaxın zamanlarda baxış keçiriləcək və problem aradan qaldırılacaq.
[caption id="attachment_75402" align="alignnone" width="640"]
Foto AzTv-nin rəsmi Youtube kanalı[/caption]
