Bakının Xətai rayonu, Rahib Məmmədov küçəsi, 20 ünvanında yerləşən uşaq əyləncə parkında olan fontanın barmaqlıqları sınıb. Orada yaranan boşluqlar uşaqlar üçün təhlükə mənbəyinə çevrilib. Bu haqda bu gün, 27 mart tarixində Report məlumat verib.
Yerli sakinlər bu vəziyyətə görə narahatdırlar. Onların sözlərinə görə, ərazidə oynayan uşaqlar dəfələrlə fontanın içərisinə düşüb və xəsarət alıblar.
Parkın nəzarətçisi Sahib Tağıyev bildirib ki, məsələ ilə bağlı Xətai rayon İcra Hakimiyyətinə məlumat verilib.
Xətai Rayon İcra Hakimiyyətinin şöbə müdiri Pənah İmanov vəziyyətdən xəbərdar olduqlarını deyib. Yay aylarına qədər fontanın təmir edilməsi nəzərdə tutulub. Təmirə qədər olan müddətdə isə fontanın ətrafında təhlükəsizlik tədbirləri görüləcək.
[URIS id=95200]
