Paytaxtın Xətai rayonu, Məhəmməd Hadi küçəsi, 106 ünvanında sakinlər gecə aparılan tikintidən narazıdırlar. Bu haqda bu gün, 27 mart tarixində Bakuplus.az ATV-yə istinadən xəbər verir.
Belə ki, adıçəkilən ərazidə, yaşayış binasından bir neçə metr aralıda yeni hündürmərtəbəli bina inşa olunur. Tikinti işləri axşam da davam etdiyindən sakinlər öz evlərində rahat otura bilmirlər.
“Maşının səsi və ustaların qışqırıqları yatmağa qoymur. Burada uşaq var, yaşlı var”, - düyə sakinlər şikayət edirlər.
Həmçinin məlum olub ki, ağaclar da xüsusi yolla məhv edilir. Çöldən yaxşı vəziyyətdə görsənən ağacların kökləri qəsdən zədələnilir və yaşıllıqların yavaş-yavaş qurumasına yol açılır.
Ekologiya Nazirliyi məsələ ilə bağlı araşdırma aparılacağını bildirib. MTK-dan isə məlumat almaq mümkün olmayıb.
