Paytaxtın Xətai rayonu, Məhəmməd Hadi küçəsi, 63 ünvanında yaşayış binası baxımsız vəziyyətdədir. Bu haqda bu gün, 15 noyabr tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, 41 ildir istifadədə olan bina bu müddət ərzində bir dəfə də olsun təmir olunmayıb. Bina haqda ən əsas şikayət liftlərlə bağlıdır. Belə ki, liftlər köhnə olduğundan tez-tez xarab olur, sakinlər içəridə qalırlar.
Bundan əlavə, yağış yağan zaman binanın içi su ilə dolur. Hər yer nəm olur. Problemlərdən biri də ondan ibarətdir ki, bloka girişdə olan beton lövhə çökmək üzrədir və hər an sakinlərin üzərinə düşə bilər.
Məsələ ilə bağlı Xətai rayon İcra Hakimiyyətindən bildirildi ki, liftlərlə bağlı müvafiq quruma müraciət olunub. Digər məsələlərə gəldikdə isə bina kooperativ olduğundan buna kooperativ sədri nəzarət edir. Əgər sakinlər narazıdırlarsa, yenidən seçki keçirib sədri dəyişdirə bilərlər.
[caption id="attachment_79100" align="alignnone" width="640"]
Foto Xəzər Xəbərin rəsmi Youtube kanalı[/caption]
