Bakıda növbəti məktəbin 3 sinifi karantinə alınıb. Bu barədə 27 oktyabr tarixində sonxeber.az xəbər verib.
Xətai rayonunda yerləşən 269 nömrəli məktəbdə 18 nəfər koronavirusa yoluxub. Bu səbəbdən məktəbdə yoxlama tədbirləri keçirilir. Valideynlər məktəbin fəaliyyətinin distant təhsil formasında davam etdirməsi üçün Gigiyena və Epidemiologiya Mərkəzinin rəyini gözləyirlər.
Qeyd edək ki, ölkə üzrə hazırda 542 sinif distant təhsildədir. Bu vaxta qədər məktəblərdə 5042 şagird və 3388 müəllim koronavirusa yoluxub. Ölkədə mövcud 4432 ümumtəhsil məktəbindən 31-i distant təhsilə keçib.
