Paytaxtın Xətai rayonu, metronun “Əhmədli” stansiyası yaxınlığında xaos hökm sürür. Bu haqda bu gün, 16 mart tarixində Bakuplus.az Xəzər Xəbər-ə istinadən məlumat verir.
Belə ki, avtobus dayanacağını zəbt edən taksilər nəqliyyat vasitələrinin hərəkətinə ciddi maneələr yaradır. Taksi sürücüləri avtomobillərini bəzən 3-cü zolaqda saxlayırlar. Bu da avtobusların dayanacağa yaxınlaşmasında problemlər yaradır.
“3-cü zolaqda avtobus saxlayırıq. Yolun ortasında sərnişin düşürürük. Arada heç 1 zolaq belə yol qoymurlar bizə”, - deyə avtobus sürücüləri şikayət edirlər.
Taksi sürücüləri isə öz növbəsində onlara ayrılan yerdən narazıdırlar.
“Bizə elə yer veriblər ki, heç kim oranı tanımır. Biz də məcbur olub burada dayanırıq. Cərimə yazılsa belə burada dayanmağa məcburuq”, - deyə taksi sürücüləri qeyd edirlər.
