Paytaxtın Xətai rayonunun Gəncə prospekti, 71 ünvanında yerləşən ikimərtəbəli yarımtikili bina narkoman yuvasına çevrilib. Bu haqda bu gün, 8 aprel tarixində Bakuplus.az Xəzər Xəbər-ə istinadən məlumat verir.
Aludəçilər günün müxtəlif vaxtlarında bu məkana toplaşaraq narkotikdən istifadə edirlər. Vacib məsələ odur ki, tikilinin yaxınlığında uşaq bağçası və orta məktəb yerləşir. Mövcud vəziyyət ərazidə yaşayan sakinləri narahat edir.
Sakinlərin sözlərinə görə, göstərilən yerdə tikinti 7 ildən artıqdır ki, dayandırılıb. Onun hansı məqsədlə tikildiyi heç kimə məlum deyil.
Daxili İşlər Nazirliyinin nümayəndəsinin sözlərinə görə, belə halların qarşısını almaq üçün bu kimi yarımçıq və ya qəzalı binalar diqqət mərkəzindədir.
Qurumdan onu da bildiriblər ki, artıq qeyd olunan əraziyə polis naryadları göndərilib və bina nəzarətə götürülüb.
