Bakının Xətai rayonu, Nəcəfqulu Rəfiyev ilə Afiyəddin Cəlilov küçələrinin kəsişməsində yerləşən Nizami Gəncəvinin mozaikadan hazırlanan portreti bərpa olunub. Bu haqda bu gün, 23 iyul tarixində Bakuplus.az ATV xəbərə istinadən məlumat verir.
Mozaika 8 il öncə yaxınlıqda olan binada baş vermiş yanğın zamanı dağılmışdır.
Dünya şöhrətli şairin mozaika portreti bərpa olunub və yaxın zamanda restavrasiya işlərinin tam yekunlaşdırılacağı barədə məlumat verilib. Nizami Gəncəvinin Xəmsəsi və portretin müəllifi əməkdar incəsənət xadimi mərhum Elmas Hüseynovdur. Rəsmi divara köçürən isə mozaika ustası Bəxtiyar Hüseynovdur.
Xətai RİH-nin şöbə rəisi Pənah İmanovun sözlərinə görə, yekun işlər qısa zamanda başa çatacaq. Divarın abadlaşdırılması tam qurtardıqdan sonra ərazidə işıqlandırma sistemi də quraşdırılacaq.
