Xətai rayonunda şəhidin adına olan küçənin açılışı baş tutub. Bu haqda bu gün, 16 dekabr tarixində Bakuplus.az Xətai rayon İcra Hakimiyyətinə istinadən xəbər verir.
Adıçəkilən rayon ərazisində yerləşən və Vətən müharibəsi şəhidi Orxan İsmayılovun adını daşıyan küçə sakinlərin istifadəsinə verilib.
Açılış mərasimində, Milli Məclisin deputatı Nigar Arpadarai, şəhidin ailə üzvləri, 59 saylı tam orta məktəbin şagirdləri və ictimaiyyət nümayəndələri iştirak ediblər.
İlk növbədə şəhidin xatirə lövhəsi ziyarət olunub, abidənin önünə tər güllər düzülüb, şəhidin xatirəsi ehtiramla yad edilib.
Daha sonra iştirakçılar şəhid haqqında xatirələrini bölüşüb, məktəblilər vətənpərvərlik haqqında şeirlər söyləyiblər. Sonda şəhidin adı yazılan lövhə küçəyə vurulub.
[caption id="attachment_123566" align="alignnone" width="640"]
Foto Xətai İcra Hakimiyyəti[/caption]
