Bakının Xəzər rayonu, Buzovna, Mərdəkan və Şüvəlan qəsəbələrində içməli suyun təchizatında fasilələr yaranıb. Bu haqda bu gün, 12 yanvar tarixində Bakuplus.az məlumat verir.
Yerli sakinlər tərəfindən verilən məlumata görə, fasilələr yanvarın 10-dan müşahidə olunur.
“Azərsu” ASC-dən bildirilib ki, yaranan fasilələr xətlərin təmiri ilə bağlıdır. Hazırda xəttin 600 metrlik hissəsində təmir işləri aparılır. İşlər bitdikdən sonra su təchizatı bərpa olunacaq.
