Xəzər rayonunda qaz borusu qoparaq yola düşüb. Bu haqda 17 noyabr tarixində Bizim.media məlumat verib.
Şüvəlan qəsəbəsində qaz borusu bərkidildiyi yerdən qoparaq yola düşüb. Bununla da həmin borunun hissələri avtomobillərin hərəkətinə mane olub. Vəziyyəti daha da təhlükəli edən yolda heç bir nişanların olmamasıdır. Bu, xüsusilə gecə saatlarında təhlükə mənbəyinə çevrilir.
Sakinlər bildirirlər ki, bu vəziyyət 2 gündür davam edir.
Bakı Regional Qaz İstismarı Departamentindən bildirilib ki, məsələ ilə bağlı "Azəriqaz" İstehsalat Birliyi tərəfindən tədbirlər görülür. Həmçinin bildirilib ki, qəza zamanı qazsızma qeydə alınmayıb.
