Bakının Xəzər rayonunda su təchizatında fasilə yaranıb. Bu haqda bu gün, 23 fevral tarixində Bakuplus.az məlumat verir.
Sakinlərin sözlərinə görə, dördüncü gündür ki, rayonun bütün qəsəbələrində içməli su verilmir.
“Azərsu” ASC-dən verilən məlumata görə, məhdudiyyətlər magistral xətdə yaranan nasazlıqla əlaqədardır. Qəza yerində təmir işləri başa çatdıqdan sonra suyun verilişi bərpa olunacaq. Təmir işlərinin bitirilməsi bu gün axşam saatarına nəzərdə tutulub.
