Yasamal rayonunda yerləşən 82 saylı körpələr evi - uşaq bağçasından şikayət edirlər. Bu haqda bu gün, 14 oktyabr tarixində Bakuplus.az Oxu.az-a istinadən xəbər verir.
Valideynlərin sözlərinə görə, uşaq bağçasının dövlətə məxsus olmağına baxmayaraq, onlardan pul toplanır. Direktor isə onlarla danışmaqdan boyun qaçırır.
“Azərbaycan bölməsi üzrə 80, rus bölməsi üzrə isə 100 AZN tələb olunur. Əgər uşaq bir ay bağçaya getməsə belə, valideyn qeyd olunan məbləğin yarı hissəsini ödəməlidir. Bunlardan əlavə, bağçada istifadə olunan təmizlik vasitələrini də bizdən tələb edirlər”, – deyə valideynlər bildirirlər.
Bakı Şəhəri üzrə Təhsil İdarəsi məsələ ilə bağlı araşdırma aparılacağını bildirib.
