Paytaxtın Yasamal rayonunda yerləşən 286 saylı tam orta məktəbin qarşısında yerləşən piyada keçidi zolağını yağış yuyub. Bu haqda bu gün, 13 aprel tarixində Bakuplus.az APA TV-yə istinadən məlumat verir.
Məktəbdə 2 mindən artıq uşaq təhsil alır. Lakin məktəbin yaxınlığında nə piyada keçidi, nə də müvafiq nişan yoxdur.
Sakinlərin sözlərinə görə, Bakı Nəqliyyat Agentliyinə (BNA) məsələ ilə bağlı müraciət göndərilib, lakin heç bir tədbir görülməyib. BNA-nın işçiləri bir müddət əvvəl gəlib yerə zolaq çəkiblər, lövhələri söküb aparıblar ki, yenisini gətirib yerləşdirsinlər. 3 gündən sonra isə zolağı yağış yuyub. Lövhələr isə yerinə qaytarılmayıb.
BNA-dan bildirilib ki, əraziyə baxış keçiriləndən sonra lazımi tədbir görüləcək.
