Bakının Yasamal rayonunun Əbdürrəhim Bəy Haqverdiyev, 2 ünvanında sakinlər yaşadıqları binanın birinci mərtəbəsində restoran açılmasına hazırlıq görülməsindən narahatdırlar. Bu haqda bu gün, 9 iyun tarixində Bakuplus.az ATV-yə istinadən məlumat verir.
Binada yaşayanlar bildirirlər ki, sahibkar obyektə fərqli dizayn vermək üçün binada konstruksiya dəyişikliyi edib. Sakinlər narahatdırlar ki, onsuz da qəzalı vəziyyətdə olan binanın hər an uçma təhülkəsi yarana bilər.
Sakinlər deyirlər ki, yaşadıqları binanın 50-dən çox yaşı var və binada aparılan hər hansısa dəyişiklik onun ömrünü bir qədər də qısaldır. Buna baxmayaraq, binanın 1-ci mərtəbəsində restoran açmaq istəyən sahibkar divarları dağıdıb havalandırma sistemi çəkərək binanı daha da zədələyir.
Əraziyə gələn mənzil kommunal istismar sahəsinin rəisinin sözlərinə görə, havalandırma konstruksiyaları bir gün ərzində söküləcək. O, həmçinin qeyd edib ki, mərtəbə qeyri-yaşayış sahəsi olduğuna görə, orada restoran fəaliyyət göstərə bilər.
Hadisə ilə bağlı Yasamal RİH-dən bildirildi ki, məsələ qısa zamanda araşdırılaraq, lazımi tədbir görüləcək.
[caption id="attachment_102935" align="alignnone" width="640"]
Foto ATV[/caption]
