Paytaxtın Yasamal rayonu yarım tikili olan idman kompleksi narkotik istifadəçilərinin məskəninə çevrilib. Yaxınlıqda isə orta məktəb yerləşir. Bu haqda bu gün, 13 mart tarixində Bakuplus.az İTV-yə istinadən məlumat verir.
Yarım tikilidə hər addım başı şprislərə rast gəlmək mümkündür. Yaxınlıqda yaşayan sakinlər də bundan narahatdırlar. Deyirlər ki, illərdir bu tikili yarımçıq qalıb. Günün istənilən saatında burada narkotik istifadəçilərinə rast gəlmək mümkündür. Məsələ bununla da bitmir. Yaxınlıqda yerləşən 286 saylı məktəbə hər gün övladlarını aparıb-gətirən valideynlər, elə şagirdlərin özləri də narahatdırlar.
Gənclər və İdman Nazirliyinin əməkdaşları əraziyə gələrək yarım tikilinin ətrafını bağlayıblar. Nazirlikdən bildirdilər ki, tikintisi yarıda qalmış obyektdə işlərin tezliklə davam etdirilərək başa çatdırılması nəzərdə tutulur. Yaranmış vəziyyətlə bağlı nazirlik mövcud imkanları və aidiyyəti qurumların dəstəyi ilə həmin tikinti obyektinə nəzarəti daha da gücləndirib. Eyni zamanda obyektə gözətçilər təyin edilərək ərazi mühafizəyə götürülüb.
[caption id="attachment_93856" align="alignnone" width="640"]
Foto İTV-nin rəsmi Youtube kanalı[/caption]
