Paytaxtın Yeni Günəşli qəsəbəsi, A-B yaşayış massivində yerləşən 9 mərtəbəli yaşayış binasının giriş hissəsinə daş parçaları qoparaq düşür. Bu haqda bu gün, 5 dekabr tarixində Bakuplus.az ATV-yə istinadən məlumat verir.
Binanın giriş hissəsinin beton örtüyü iki hissəyə parçalanıb. Yağışlı, xüsusən də küləkli havalarda buradan daş qırıntıları yerə tökülür.
Sakinlər bu məqamdan narahatdırlar. Onlar deyirlər ki, tez-tez daşların öz-özünə qırılıb yerə düşdüyünü görürlər. Bir müddət əvvəl binanın girişində təmir işləri aparılsa da, sonradan bu cür vəziyyət yaranıb.
Vəziyyətlə bağlı Suraxanı rayon 68 saylı Mənzil-Kommunal İstismar Sahəsindən dedilər ki, bir müddət öncə A-B yaşayış massivi, 149 saylı binanın ətrafında abadlıq işləri aparılıb. Bu işlər zamanı binanın girişi də təmir edilib. Belə bir vəziyyət sonradan yağışlı havalarda yaranıb. Yaxın zamanlarda problem həll olunacaq.
