Sabunçu rayonunda kanalizasiya problemi sakinləri narahat edir. Bu haqda 23 iyul tarixində Bakuplus.az-a məlumat daxil olub.
Yeni Ramana qəsəbəsi, Dmitrov küçəsində yaşayan sakinlər illərdir ki, pis qoxudan əziyyət çəkirlər. Belə ki, kanalizasiya xətti yararsız vəziyyətə düşdüyündən çirkab sular xətlə deyil, küçə ilə axır. Sakinlər bildirirlər ki, qışda hələ dözmək olur, amma yayda isti hava və pis qoxu vəziyyəti daha da qəlizləşdirir. Bu küçədə yaşayanlar yayda pəncərələrini açıq saxlaya bilmirlər, çünki qoxu ilə yanaşı evlərə milçəklər də dolur. Nəticədə küçədə antisanitar vəziyyət yaranıb, bu da, öz növbəsində, insanların sağlamlığı üçün təhlükəyə çevrilib.
Sakinlər əlavə ediblər ki, dəfələrlə Bakı Sukanal İdarəsinə, Sabunçu Rayon İcra Hakimiyyətinə yazılı müraciət olunub, lakin bu problem bu günə kimi həll olunmayıb.
[video width="1920" height="1080" mp4="https://bakuplus.az/storage/photos/2022/07/ccc.mp4"][/video]
