Paytaxtın Sabunçu rayonu, Zabrat qəsəbəsinin sakinləri yolsuzluqdan şikayət edirlər. Bu haqda bu gün, 9 may tarixində Bakuplus.az İctimai TV-yə istinadən xəbər verir.
Söhbət adıçəkilən qəsəbənin Abdulla Şaiq küçəsindən gedir. Sakinlərin sözlərinə görə, kanalizasiya çəkmək üçün gələn əməkdaşlar asfaltı dağıdıblar və yenidən düzəltməyiblər.
3 aydır bu vəziyyətdə olan yollarla nə avtobus, nə də taksi sürücüləri hərəkət etmək istəyirlər.
“Ayaqqabılarımız xarab olur, təcili yardım belə gəlmir daha. Yağış yağanda heç hərəkət edə bilmirik”, - deyə sakinlər şikayət edirlər.
“Azərsu”dan məsələ ilə bağlı bildiriblər ki, həmin ərazidə kanalizasiya xətlərinin çəkilməsi yekunlaşmayıb. İşlər bitəndən sonra bütün küçələrə asfalt örtüyü vuralacaq.
[caption id="attachment_99741" align="alignnone" width="896"] Foto İctimai TV[/caption]
