Zabrat xristian qəbiristanlığında qəbirdaşlarını dağıtmaqda şübhəli bilinən şəxs saxlanılıb. Bu haqda bu gün, 21 aprel tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Prokurorluq və Daxili İşlər Nazirliyinin əməkdaşları tərəfindən həyata keçirilən intensiv tədbirlər nəticəsində qəbiristanlıqda təmir işləri görən 34 yaşlı Seymur Daxilov şübhəli şəxs qismində saxlanılıb. Onun sözlərinə görə, onun gördüyü iş müqabilində ödəniş edilmədiyi üçün o, aprelin 16-dan 17-nə keçən gecə qəbiristanlığa gələrək məzarların üzərindəki predmetləri zədələyib, xatirə daşları və lövhələri dağıdıb.
Daxilov “Qəbir üzərində təhqiredici hərəkət” maddəsi ilə istintaqa cəlb edilib. Araşdırma davam edir.
[video width="848" height="480" mp4="https://bakuplus.az/storage/photos/2023/04/video-whatsapp-2023-04-21-v-09.01.541.mp4"][/video]
