Bakının Zirə və Türkan qəsəbələrinin sakinləri içməli su ilə bağlı çətinlik çəkirlər. Bu haqda bu gün, 22 fevral tarixində Bakuplus.az RealTV-yə istinadən məlumat verir.
Sakinlərin sözlərinə görə, gündəlik istifadə etdikləri suyu pulla almalı olurlar, bu da onlara olduqca baha başa gəlir. Bilmirlər ki, həmin suyu içsinlər, yoxsa məişət və təsərrüfat məqsədilə istifadə etsinlər. Su və kanalizasiya sistemi bağlıq ərazidən təxminən 2 km məsafəyə qədər çəkilib.
“İçməli su, əl-üz yumaq üçün su yoxdur. Bağlardakı ağacları sulaya bilmirik. Quyu qazırıq, su şor çıxır. Ayda 100-300 manat arası suya pul gedir”, - deyə şikayətçi Fazil Nurməmmədli bildirib.
Hər iki qəsəbənin problemi ilə bağlı “Azərsu” ASC-dən bildirilib ki, hazırda Türkan və Zirə qəsəbələrinin təxminən 30 faizi ASC tərəfindən su ilə təmin olunur. Gələcəkdə qəsəbələrin bütün ərazisində infrastrukturun yaradılması nəzərdə tutulub.
