Bakının Nəsimi rayonunda abadlıq-quruculuq işləri davam edir. Bu haqda bu gün, 16 avqust tarixində Bakuplus.az rayon İcra Hakimiyyətinə (RİH) istinadən xəbər verir.
Rayon ərazisində yerləşən Zorge parkında cari təmir işləri aparılır. Zorge abidəsi bərpa edilir.
Eləcə də parkda istismar müddəti başa çatmış və yararsız vəziyyətdə olan tamet daşları, həmçinin pilləkənlər cari təmir olunub, işıq dirəkləri və oturacaqlar rənglənib. Əlavə olaraq Zorge abidəsinin yerləşdiyi parkda 6000 ədəd müxtəlif növ mövsümü gül kolları əkilib, yararsız vəziyyətdə olan qazon örtüyü dəyişdirilib və ağaclara aqrotexniki qulluq göstərilib.
