Bakı Gənclər Mərkəzində dünya çempionu ilə görüş keçiriləcək. Bu haqda bu gün, 20 avqust tarixində Bakuplus.az mərkəzə istinadən xəbər verir.
Tədbirin iştirakçısı karate üzrə dünya çempionu və Dünya Kubokunun sahibi Şahin Atamov olacaq. Şahin Atamov 8 yaşında karate ilə məşğul olmağa başlamış, 10 yaşından etibarən ölkə çempionatında, daha sonra isə beynəlxalq turnirlərdə iştirak etməyə başlayıb.
Görüş 23 avqust saat 13:00-da Bakı Gənclər Mərkəzində baş tutacaq. İştirak ödənişsizdir. Qeydiyyatdan keçmək üçün mərkəzlə sosial şəbəkələr vasitəsilə əlaqə saxlamaq lazımdır.
