Bakı İdman Sarayında 20-22 yanvar tarixlərində “Arpachay Open” beynəlxalq karate turniri keçiriləcək. Bu haqda bu gün, 5 yanvar tarixində Azərtac məlumat verib.
Gənclər və İdman Nazirliyinin dəstəyi, “Arpaçay” karate klubu və Azərbaycan Milli Karate Federasiyası (AMKF) tərəfindən təşkil edilən turnir 20 Yanvar şəhidlərinin xatirəsinə həsr olunacaq.
Üç gün davam edəcək turnirin təntənəli açılış mərasimi yanvarın 21-də olacaq. Kata və kumite yarışlarında iştirak edəcək uşaq, yeniyetmə və gənc idmançılar bütün kateqoriyalar üzrə mübarizə aparacaqlar.
“Arpaçay” klubunun prezidenti, Əməkdar məşqçi Yavər Hüseynov bildirib ki, turnirdə 10-dək ölkədən, habelə paytaxt Bakıdan və Azərbaycanın əksər regionlarından 1500-dən çox idmançının iştirakı gözlənilir.
