Bakıda ilk dəfə velosiped idmanının BMX növü üzrə ölkə çempionatı keçiriləcək. Bu haqda 1 sentyabr tarixində AZƏRTAC məlumat verib.
Çempionat sentyabrın 9-da Bakıda yerləşən Veloparkın BMX meydançasında baş tutacaq. Keçiriləcək çempionatda bütün yaş kateqoriyalarında olan idmançılar iştirak edəcəklər. Bütün velosipedçilər qrup yarışında (1 dairə) mübarizə aparacaqlar və qaliblər hər yaş kateqoriyasında ən yaxşı vaxta görə müəyyənləşəcək.
I, II, III yeri tutan velosipedçilərə Gənclər və İdman Nazirliyi və Azərbaycan Velosiped Federasiyası tərəfindən medal, diplom və qiymətli hədiyyələr təqdim olunacaq.
Giriş pulsuzdur.
