Bakı Gənclər Mərkəzində 27 avqust tarixində “Sağlam Gənclik Naminə” adlı əyləncəli-idman tədbiri keçiriləcək. Bu haqda bu gün, 25 avqust tarixində Bakuplus.az məlumat verir.
"Sağlam həyat klubu"nun təşəbbüsü ilə həyata keçiriləcək yarış saat 17:00-dan 20:00-dək davam edəcək.
Proqrama yerindən uzunluğa tullanma, topun uzaq məsafəyə atılması, 100 metr məsafəyə qaçış, qumbara atma, pres, “jim”, çömbəlmə və turnik hərəkətləri daxildir.
Layihənin əsas məqsədi gənclər arasında idmana marağın artırılması, gənc nəslin hərtərəfli inkişafı, sağlamlığının möhkəmləndirilməsi, sağlam həyat tərzinin təbliği, eləcə də asudə vaxtının səmərəli təşkilindən ibarətdir.
Geyim tərzi: idman forması. Giriş sərbəstdir.
