Bakıda külli miqdarda dələduzluqda və rüşvət almaqda ittiham olunan şəxsə hökm oxunub. Bu haqda BakuPlus.az Apa-ya istinadən bu gün, 26 oktyabr tarixində xəbər verir.
Cinayət əməlinə görə Bəhruz Əliyev bir müddət axtarışda olub. O, hüquq-mühafizə orqanları tərəfindən keçirilən əməliyyat zamanı həbs olunaraq istintaqa cəlb olunub.
Ona qarşı Cinayət Məcəlləsinin dələduzluq, külli miqdarda ziyan vurmaqla törədildikdə və külli miqdarda rüşvət alma maddələri üzrə ittiham irəli sürülüb.
Bakı Ağır Cinayətlər Məhkəməsində hakim Azad Məcidovun sədrliyi ilə keçirilən iclasda Bəhruz Əliyev təqsirli bilinərək 10 il müddətinə azadlıqdan məhrum edilib.
Cinayət işi ilə bağlı 22 nəfər zərərçəkmiş qismində tanınıb.
