Bakı sakini 5 nəfər tərəfindən döyülüb. Bu haqda məlumatı Bakuplus.az-a bu gün, 24 fevral tarixində Daxili İşlər Nazirliyindən məlumat verilib.
Belə ki, 21 fevral saat 16:00 radələrində Nəsimi rayonunun C.Səlimov küçəsində bir nəfərin bir qrup şəxs tərəfindən döyülməsi və onu “Fiat” markalı avtomobillə aparmaları barədə Nəsimi Rayon Polis İdarəsinə məlumat daxil olub.
Polis əməkdaşları tərəfindən keçirilən axtarış tədbirləri nəticəsində 5 nəfərin xuliqanlıq zəminində R.Mamedovu döyüb xəsarət yetirmələri, avtomobillə aparmaları və 3-cü mikrorayon ərazisində buraxmaları müəyyən olunub.
Bu əməli törətməkdə şübhəli bilinənlərdən əvvəllər məhkum olunmuş Ədalət Vəliyev və Pərviz Nəhmətov müəyyən olunaraq saxlanılıblar.
Şəxsiyyəti müəyyən olunan digərlərinin saxlanılması istiqamətində əməliyyat tədbirləri davam etdirilir.
