Paytaxtın 2 rayonunda yanğınlar qeydə alınıb. Bu haqda bu gün, 16 sentyabr tarixində Bakuplus.az Fövqəladə Hallar Nazirliyinə istinadən xəbər verir.
Sabunçu rayonunda ümumi sahəsi 80 kv.m olan birmərtəbəli binanın dam örtüyü 20 kv.m sahədə alışıb. Evin digər hissələrinə və ətraf infrastruktura ziyan dəyməyib.
Pirallahı rayonunda ümumi sahəsi 12 kv.m olan vaqon tipli anbar 6 kv.m sahədə alışıb. Nəticədə içəridə olan 4 ton məhsulun 3 tonu tələf olub. Ətraf infrastruktura ziyan dəyməyib.
Hər 2 hadisə yerinə FHN-in əməkdaşları cəlb olunublar. Yanğınlar söndürülüb.
