Kürdəmir rayonu ərazisində baş verən yol qəzasında xəsarət alan sərnişin Bakıya gətirilib. Bu haqda Report 3 yanvar tarixində xəbər verib.
Rayonun Karrar kəndində Bakı istiqamətində hərəkətdə olan “Ford” markalı avtomobilin sürücüsü idarəetməni itirərək yol kənarındakı beton lövhəyə çırpılıb və aşıb.
Qəza nəticəsində xəsarət alan 46 yaşlı sərnişin Qüdrət İmanova xəstəxanada qapalı kəllə-beyin travması, baş-beyin əziyi, sağ baldır sümüklərinin və sağtərəfli qasıq sümüklərinin yerdəyişən sınıqları diaqnozları qoyulub.
Yaralının vəziyyəti ağır olduğundan o, reanimasiya şöbəsinə yerləşdirilib.
Faktla bağlı araşdırma aparılır.
