Avtobusda oğurluq edən şəxs tutulub. Bu haqda 10 sentyabr tarixində APA məlumat verib.
Qaraçuxur qəsəbəsi ərazisində marşrut avtobusunda Bakı şəhər sakini olan bir qadının çantasından 224 manat pul, Yeni Günəşli qəsəbəsindəki evlərin birindən içərisində 600 manat, sənəd və bank kartı olan pulqabı, Zığ qəsəbəsindəki evlərin birindən isə mobil telefon oğurlanıb.
Polis əməkdaşlarının keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş Azər Kərimov saxlanılıb. Onun üzərində heroin aşkar olunub.
