Sosial şəbəkələrdə Bakı şəhər sakini, ingilis dili müəllimi və bloger Ayşən Qurbanovanın taksi xidmətindən istifadə edənlərə videomüraciəti yayılıb. Bu haqda bu gün, 23 sentyabr tarixində Bakuplus.az məlumat verir.
Xanım Uber taksi maşınına minərək makiyajını düzəltməyə başladığını bildirib. Bunu arxa güzgüdən görən sürücü onu əxlaqsız adlandırıb və yolun ortasında düşürüb başını kəsməklə hədələyib.
"Mən Uber-ə şikayət etdim, amma sürücü orada düzgün cəzalandırılmadı, heç kim məndən üzr istəmədi", - deyə Qurbanova iddia edib. O, taksi sürücülərinin xidmətlərindən istifadə etməməyə və onlarla ehtiyatlı davranmağa çağırdı.
Azərbaycan Daxili İşlər Nazirliyinin mətbuat xidmətindən bildirildi ki, polis bu video ilə bağlı araşdırma aparır.
