Azərbaycan Dövlət Akademik Opera və Balet Teatrında bəstəkar Firəngiz Əlizadənin operası nümayiş ediləcək. Bu haqda 2 iyun tarixində Bakuplus.az teatra istinadən xəbər verir.
Teatrın 113-cü sezonunda 4 iyun saat 19:00-da bəstəkar Firəngiz Əlizadənin "İntizar" operası səhnədə göstəriləcək. 2008-ci ildə yazılmış əsər özündə Azərbaycan xalqının fikrini, arzularını, vətənpərvərliyini və qələbəyə olan inamını tərənnüm edir. Operanın librettosunun müəllifi akademik Nərgiz Paşayevadır.
Tamaşa COVİD-19 qorunma qaydalarına uyğun olaraq keçiriləcək və qonaqlardan peyvənd pasportu tələb olunacaq.
Biletlər teatrın kassalarında, Mərkəzləşdirilmiş "ASAN xidmət"in kassalarında saat 11:00-dan 19:00-dək və Iticket.az saytında satılır.
