Paytaxtda 6-7 iyul tarixlərində dördüncü Bakı Yay Caz Günləri keçiriləcək. Bu barədə Mədəniyyət Nazirliyindən məlumat verilib.
İyulun 6-da festivalı amerikalı caz pianoçusu və bəstəkar Emmet Kohen öz triosu ilə açacaq. İyulun 7-də proqram məşhur İsveç-Türkiyə saksofonçusu, bəstəkar, aktyor, prodüser İlhan Erşahinin kvarteti ilə davam edəcək.
Festival günlərində Azərbaycan ifaçıları da, o cümlədən Diana Hacıyeva, Firudin Həmidov və başqaları çıxış edəcəklər.
Bu il konsertlər Heydər Əliyev Mərkəzinin parkında açıq havada baş tutacaq. Giriş pulsuzdur.
Festival Heydər Əliyev Mərkəzi, Azərbaycan Mədəniyyət Nazirliyi və “Premier LTD” şirkətinin təşkilatçılığı ilə keçiriləcək.
