Aerobika gimnastikası üzrə Azərbaycan çempionatı və Bakı birinciliyinə start verilib. Bu haqda BakuPlus.az Azərtac -a istinadən bu gün, 25 may tarixində xəbər verir.
Turnir Bakı Olimpiya İdman Kompleksində keçirilir.
Yarışda “Ocaq Sport” klubu, “Zirvə”, “Grasiya” idman klubları və Sumqayıt Olimpiya İdman Kompleksindən ümumilikdə 80 gimnast medallar uğrunda mübarizə aparır.
İdmançılar Bakı birinciliyində balacalar, uşaqlar, yeniyetmələr və gənclər, Azərbaycan çempionatında isə yeniyetmələr, gənclər və böyüklər yaş kateqoriyalarında yarışırlar.
Gimnastlar müvafiq yaş kateqoriyalarına uyğun olaraq fərdi, qarışıq cütlük, üçlük və qrup proqramında çıxış edirlər.
