XX-XXI əsrlər Azərbaycan Rəngkarlığı Muzeyində iyulun 7-si "Artxronika" layihəsi çərçivəsində görüş keçiriləcək. Bu haqda bu gün, 1 iyul tarixində Bakuplus.az məlumat verir.
Saat 19:00-da başlayan görüş Əməkdar rəssam, kurator Sabina Şıxlinskaya və gənc rəssam Bütünay Haqverdiyev ilə təşkil olunur. Görüş zamanı Ucal Haqverdiyevin XX-XXI əsrlər Azərbaycan Rəngkarlığı Muzeyində nümayiş olunan "Mövcudluqda ünsiyyət" fərdi retrospektiv sərgisinə əsaslanaraq, onun yaradıcılıq yolu, üzvü olduğu "Labirint" rəssamlar qrupunda fəaliyyəti və əsərlərinin ümumi analizini müzakirə olunacaq.
Tədbir İncəsənət və mədəniyyət üzrə menecer, müstəqil məsləhətçi Olqa Seleznyova tərəfindən rus dilində aparılacaq.
Görüşə giriş sərbəstdir, COVID-19 pasportunun olması mütləqdir. Əlavə məlumat üçün: +994 50 251 41 15.
