YARAT Müasir İncəsənət Məkanının gənc rəssamları "Daxili Gurultu" adlı duet sərgisi keçirəcəklər. Bu haqda BakuPlus.az bu gün, 6 iyul tarixində xəbər verir.
İki aydan çox davam edəcək sərgidə gənc rəssamlar Leyla Qabulova və Murad Vəliyevin əsərləri təqdim olunacaq.
Rəssamlar eqo, ictimai qınaq, ikiüzlülük, stiqma, kollektiv və fərdi travmalar, zorla boynumuza qoyulan, bizə sırıdılan yarlıqlar və hekayələr kimi vacib problemləri qaldırmaq üçün daxili psixikalarına müraciət ediblər. Onlar öz əsərləri ilə əsas sosial standartların həqiqiliyinə "meydan oxuyur" və destruktiv davranış modellərindən uzaqlaşmaq üçün öz hekayələrini təklif edirlər.
Açılışı 14 iyulda təşkil olunacaq sərgi ARTIM Layihə Məkanında 25 sentyabra qədər nümayiş olunacaq.
