Bakıda növbəti “Kekalove Adaptive Fashion Show” adlı tədbir keçiriləcək. Bu haqda BakuPlus.az bu gün, 7 iyul tarixində xəbər verir.
İyulun 12-də baş tutacaq Dəb şousu Kekalove Adaptive tərəfindən əlilliyi olan modellərlə birgə keçiriləcək. Tədbir saat 19:00-da JW Marriott hotelində baş tutacaq.
Tədbirin məqsədi fiziki imkanları məhdud olan şəxslərin ehtiyaclarını nəzərə alan xüsusi geyim dizyanlarını - adaptiv geyimləri nümayiş etdirməkdir.
Biletlərin qiyməti bir nəfər üçün 10 manat təşkil edir. Onları onlayn və ya iTicket-in satış məntəqələrindən əldə edə bilərsiniz.
Kekalove Adaptive 2019-cu ildən fəaliyyət göstərir. Sosial biznes əlilliyi olan şəxslər üçün rahat və dəbli geyimlər hazırlamaq məqsədilə təşkil olunur.
