Bakıda Ekstatik oyanış rəqsi praktikası keçiriləcək. Bu haqda bu gün, 5 iyul tarixində Bakuplus.az Heydər Əliyev Mərkəzinin mətbuat xidmətinə istinadən xəbər verir.
Təcrübə proqramı “10 il Sizinlə” şüarı ilə həftəsonu tədbirləri çərçivəsində, Heydər Əliyev Mərkəzinin parkında baş tutacaq.
10 iyul saat 18:30-da başlayacaq tədbirdə 16 yaşından yuxarı fiziki məhdudiyyəti olan və olmayan hər bir şəxs ödənişsiz şəkildə iştirak edə bilər.
Praktika beynəlxalq dərəcəli Ecstatic Awakening Dance™ və DanceAbility® metodları üzrə baş müəllim Nigar Sultanova tərəfindən keçiriləcək.
