Akademik Musiqili Teatrda balet-tamaşanın premyerası olacaq. Bu haqda 27 iyun tarixində Bakuplus.az məlumat verir.
Azərbaycan Dövlət Akademik Musiqili Teatrında 5 iyul saat 19:00-da "Məchul pilləkən" balet-tamaşasının premyerası keçiriləcək.
Tamaşa narkomaniya, eyni zamanda zərərli vərdişlərə qarşı bir təbliğat vasitəsi kimi nəzərdə tutulub. Tamaşada baş rolun ifaçısı Məhəmməd Abdullayevdır, quruluşçu rejissor Samir Qulamov, quruluşçu rəssam isə teatrın baş rəssamı Vüsal Rəhimdır.
Tamaşanın süjet xəttində pis vərdişlərə düçar olmuş bir gəncin bütün maneələrə baxmayaraq ağ ölümlə mübarizəsi, sonda isə xeyir və şər qüvvələrin çəkişməsi fonunda iradəsinin təntənəsi nümayiş olunur.
Səhnə əsərində xarici bəstəkarların musiqilərindən, eyni zamanda Əməkdar artist Sevda Ələkbərzadənin ifasında “Getmə-getmə” mahnısından istifadə edilib. Həmçinin Samir Qulamovun ifasında Xalq şairi Ramiz Rövşənin şeirlərindən ibarət kompozisiya səsləndiriləcək.
Balet-tamaşa üçün biletləri şəhərin mərkəzləşdirilmiş kassalarından, “ASAN xidmət” mərkəzlərindən və iticket.az saytından əldə etmək olar.
