İyunun 16-17-də “Mədəni yenilənmə” layihəsi çərçivəsində teatr və kino aktyoru, rejissor, Rusiya Federasiyasının və Azərbaycan Respublikasının Əməkdar artisti Timur Bədəlbəyli ilə görüşlər keçiriləcək.
Görüşlərin cədvəli:
Görüşlər YARAT Müasir İncəsənət Mərkəzində baş tutacaq. İştirak etmək üçün qeydiyyatdan keçmək mütləqdir.
“Mədəni yenilənmə” - YARAT Müasir İncəsənət Mərkəzi və Mədəniyyət Nazirliyinin birgə layihəsidir və 2021-ci ilin oktyabrında başlayıb. Layihənin məqsədi müasir nəsli Azərbaycandan kənarda yaşayan mədəniyyət və incəsənət xadimləri ilə tanış etmək, onların ölkə daxilində əhəmiyyətini vurğulamaq, təcrübə və peşəkar bilik mübadiləsi aparmaq, bir ildən artıq davam edən pandemiya ilə əlaqədar böhrandan çıxmalarına kömək etməkdir.
