5 noyabr tarixində 44 günlük Vətən Müharibəsində qazanılan qələbənin əbədiləşdirilməsi məqsədilə Bakıda “Qələbə hünəri” adlı sərgi təşkil olunacaq. Bu haqda Trend 20 oktyabr tarixində xəbər verib.
Tədbir Mədəniyyət Nazirliyi, Azərbaycan Rəssamlar İttifaqının dəstəyi, “Bakı” Rəsm Qalereyasının, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə saat 16:00-da keçirilcək.
Sərginin ekspozisiyasında Azərbaycan rəssamlarının əsərləri ilə yanaşı, həmçinin Azərbaycan Dövlət Rəsm Qalereyasının kolleksiyasına daxil olan əsərlər də yer alacaqdır.
Nümayiş olunan əsərlərin müəllifləri sertifikatla təltif ediləcəklər.
8 gün davam edəcək sərgini ziyarət etmək istəyənlər hər gün saat 11:00-dan 18:00-dək Xətai Sənət Mərkəzinə gedə bilərlər.
156 müəllif tərəfindən elektron variantda 200-dən çox əsər təqdim olunmuşdur. Münsiflər heyəti tərəfindən 40 müəllifin 46 əsəri sərgidə nümayiş olunmaq üçün seçilmişdir.
