XX-XXI əsrlər Azərbaycan Rəngkarlığı Muzeyində iyulun 19-u "Rəssamın gözü ilə" layihəsi çərçivəsində görüş keçiriləcək. Bu haqda bu gün, 18 iyul tarixində Bakuplus.az məlumat verir.
Saat 19:00-da başlayan görüş Əməkdar rəssam Yelena Haqverdiyeva, publisist, musiqişünas Fərizə Babayeva, filoloq, fotoqraf-rəssam və publisist Leyla Sultanzadə və sənətşünas Toğrul Əfəndiyev ilə təşkil olunur.
Görüş Ucal Haqverdiyevin XX-XXI əsrlər Azərbaycan Rəngkarlığı Muzeyində nümayiş olunan "Mövcudluqda ünsiyyət" fərdi retrospektiv sərgisinə əsaslanaraq, onun həyat və yaradıcılığına həsr olununacaq.
Tədbir BARZA Art Bureau-nun təsisçisi Samira Sefi tərəfindən rus dilində aparılacaq.
Görüşə giriş sərbəstdir, COVID-19 pasportunun olması mütləqdir.
