Bakıda 9 iyul tarixində saat 18:00-da böyük rok konserti baş tutacaq. Bu haqda bu gün, 20 iyun tarixində Bakuplus.az məlumat verir.
Musiqili axşam saat 18:00-da "Albion" klubunda (Təbriz Xəlilrza küçəsi, 3) baş tutacaq. Tədbir 2 hissədən ibarət olacaq.
Konsertin birinci yarısı “Nirvana” rok qrupuna həsr olunacaq. Qrupun bir çox mahnılarının kaver versiyaları ifa ediləcək, əsas və sevilən hitləri eşidiləcək.
İkinci hissədə roksevərlər “Metallica”, “Rammstein”, “Muse”, “Green Day”, “Linkin Park”, “AC/DC” və bir çox başqa qrupların ən məşhur rok-hitlərini yerli musiqiçilərin canlı ifasında eşidəcəklər.
Konsertdə bütün mahnıları Bakının məşhur Coda və Noir qrupları ifa edəcəklər.
Biletlərin qiyməti: standart (ayaq üstə) - 15 manat, oturacaq yeri - 25 manat. Əlavə məlumat və masa rezerv etmək üçün əlaqə nömrəsi: 050 340 70 84.
Biletləri şəhərin mərkəzi kassalarından, eləcə də ticarət mərkəzlərindən - bilet kassalarından (28 Mall, Gənclik Mall, Park Bulvar) və “Albion club”-dan əldə etmək olar.
Həmçinin, biletlər iticket.az saytında mövcüddür.
