Vətən müharibəsi qaziləri konsert verəcək. Bu haqda 17 may tarixində Bakı Şəhər Mədəniyyət Baş İdarəsi məlumat verib.
Gənclər və İdman Nazirliyi və Mədəniyyət Nazirliyinin dəstəyi ilə mayın 27-də Heydər Əliyev Sarayında İkinci Qarabağ müharibəsi döyüşçülərinin iştirak edəcəyi musiqili bədii gecə keçiriləcək.
Tədbirdə bir neçə ali təhsil ocağınından Vətən müharibəsi qaziləri olan tələbə və məzunlar iştirak edəcək. Həmçinin konsertdə Azərbaycan Dövlət Akademik Filarmoniyasının Xalq Çalğı Alətləri Orkestri, Dövlət Mahnı və Rəqs Ansamblı, Müdafiə Nazirliyinin tabeliyində olan Hərbi Hava Qüvvələri Orkestri, bir neçə tanınmış incəsənət xadimi və ADMİU-nun tələbə heyəti də çıxış edəcəklər.
Konsertdən toplanan vəsait “YAŞAT” Fonduna ianə olunacaq.
