Bakıda məşhur Braziliya qrupu konsert verəcək. Bu haqda 24 iyun tarixində Bakuplus.az məlumat verir.
Beynəlxalq Muğam Mərkəzində iyunun 27-si saat 19:00-da Braziliyanın populyar “Choronas” instrumental musiqi qrupunun konserti keçiriləcək.
1994-cü ildə San-Paulu musiqiçiləri tərəfindən yaradılan ansambl bu günə kimi dünyanın bir çox səhnələrində konsert proqramı ilə çıxış edib. “Choronas”-ın repertuarında Braziliya populyar musiqisinin sevimli klassikləri və müasir bəstəkarların əsərləri nümayiş etdirilir. Konsertdə xüsusi qonaq kimi İsmayıl Zülfüqarov iştirak edəcək.
Konsertin biletlərini iticket.az saytından və şəhərin kassalarından əldə etmək mümkündür.
