Aprelin 28-də Heydər Əliyev Mərkəzində görkəmli oftalmoloq alim, akademik Zərifə xanım Əliyevanın anadan olmasının 100 illiyinə həsr olunmuş konsert proqramı təqdim olunub. Bu haqda bu gün, 28 aprel tarixində Report məlumat verib.
Konsertdə Azərbaycan Prezidenti İlham Əliyev, birinci xanım Mehriban Əliyeva və qızları Arzu Əliyeva iştirak ediblər.
Heydər Əliyev Fondunun təşkilatçılığı ilə keçirilən konsert akademik Zərifə Əliyeva haqqında filmin nümayişi ilə başlayıb.
Sonra səhnəyə əfsanəvi “Dan ulduzu” instrumental ansamblı çıxıb. Konsert bəstəkar Emin Sabitoğlunun “Nə gözəldir Azərbaycan” mahnısının bütün müğənnilər tərəfindən birgə ifa olunması ilə yekunlaşıb.
