Bakıda dünyaşöhrətli fotojurnalist Reza Deqatinin çəkdiyi fotolardan ibarət sərgi açılacaq. Bu haqda 18 iyun tarixində AZƏRTAC məlumat verib.
Heydər Əliyev Mərkəzində iyunun 28-də dünyaşöhrətli fotoqraf Reza Deqatinin çəkdiyi fotolardan ibarət “Rezanın daxili Odisseyası” adlı sərgi baş tutacaq. Sərgi iyulun 27-dək davam edəcək.
Azərbaycanla Fransa arasında diplomatik münasibətlərin qurulmasının 30-cu ildönümünə həsr olunan fotosərgi Heydər Əliyev Fondu, Fransanın Azərbaycandakı səfirliyi və Azərbaycandakı Fransız İnstitutu tərəfindən təşkil olunacaq. Sərgidə məşhur fotoqrafın Azərbaycana və Fransaya səfərləri zamanı çəkdiyi kadrlar nümayiş olunacaq.
