Bakıda növbəti dəfə dünyaca məşhur "Ağca və yeddi Cırtdan" tamaşası göstəriləcək. Bu haqda 7 iyun tarixində Bakuplus.az Bakı Şəhər Mədəniyyət Baş İdarəsinə istinadən xəbər verir.
Abdulla Şaiq adına Azərbaycan Dövlət Kukla Teatrında iyunun 19-da "Ağca və yeddi Cırtdan" tamaşası nümayiş olunacaq. Klassik kukla teatrı estetikasında hazırlanmış tamaşanın səhnələşdirəni və quruluşçu rejissoru Səidə Haqverdiyeva, quruluşçu rəssamı Əfşan Əsədova, bəstəkarı isə Vüqar Camalzadədir.
Birhissəli kukla tamaşasında rolları teatrın aparıcı aktyorları Aygül Ağayeva, Cavid Telman, Səriyyə Mansurova, Elmira Hüseynova, Samirə Nəcəfova, Araz Həsənli və başqaları ifa edirlər.
Tamaşanın premyerası 2022-ci il martın 10-da olub.
