Bakının Milli Azərbaycan Tarixi Muzeyində “Take me home” (Məni evinə apar) sərgisi baş tutacaq. Bu haqda bu gün, 20 iyun tarixində Bakuplus.az məlumat verir.
Sərginin açılışı 1 iyul saat 18:00-da olacaq, qonaqlar 2-8 iyul tarixlərində sərgini ziyarət edə biləcəklər. Təbdirə giriş sərbəstdir.
Sərgidə rəssamlar Ramiz Abbasov (Şuşa), Reyhan Aslanova (Bakı), Fidan Hümbətli (Ağstafa), Vüsalə Ağaraziyeva (Bakı), Vüsal Rahim (Gəncə), Yusif Mirzə (Laçın), Şafiq Osmanov (Qusar), Tural Moyufov (Şəki) və Kristian Frederiksenin (Kanada) sənət işləri nümayiş olunacaq.
Kristian Frederiksen kanadalı rəssamdır. Hazırda o, Azərbaycanda “Take me home” (Məni evinə apar) layihəsini yaradır. “Fikir verdim ki, qonaqpərvərlik və “əcnəbini içəri dəvət etmək” Azərbaycan mədəniyyətinin gözəl və vacib hissələridir və lahiyənin ilhamlandıran mövzüsudur. Əsas ideya - incəsənt şousu keçirmək üçün ölkənin hər yerindən olan rəssamlarla əməkdaşlıq etməkdir. Beləliklə, hər sənətçi ilə evim dedikləri yerə səyahət edirəm, onlar və haradan gəldirkləri haqda öyrənmək üçün. Və sonda ikimiz də o yerdən bir sənət əsəri yaradırıq”, - Kristian öz səhifəsində deyir.
Layihənin sonunda 8 yerli rəssamın əcnəbi sənətkarla birlikdə yaratdığı əsərlər sərgidə nümayiş olunacaq. Bu həm azərbaycanlıların, həm də xaricdən gələn qonağın perspektivlərini təmsil edəcək.
